MAMBO MUHIMU KATIKA KUDUMISHA MAHUSIANO

MAMBO MATANO MUHIMU KATIKA KUIMARISHA MAHUSIANO

Mahusiano ni nguzo muhimu sana katika maendeleo ya jamii yoyote hasa yanapokuwa ni mahusiano chanya. Binadamu ni mnyama wa kijamii (social animal) ambaye mafanikio yake yamejiegemeza moja kwa moja kwenye ushirikiano ambao ni zao la mahusiano chanya.

Fikiria maisha yangekuwa na sura gani ikiwa kila binadamu angekuwa anaishi kipweke pweke?

Kuna aina mbalimbali za uhusiano, miongoni mwa hizo ni urafiki, mapenzi, uhusiano wa kifamilia, uhusiano wa kikazi nk.

Mambo ya msingi katika kudumisha uhusiano wa aina yoyote ni pamoja na:-

1. MAWASILIANO   

Mawasiliano ni miongoni mwa mambo yanayoashiria kujali na hivyo kuleta ustawi katika mahusino ya aina yoyote. Mtu anapowasiliana nawe kupitia namna yoyote ile haina shaka kwamba anakukumbuka, anakuthamini na anakujali.

2. UAMINIFU 

Ili mahusiano yoyote yaweze kudumu uaminifu ni nguzo muhimu sana. Uaminifu katika matendo na ahadi zinazotekelezeka tena kwa wakati ni kichocheo cha mauhusiano imara.

3. MSAMAHA 

Imesikika mara nyingi kwamba hakuna binadamu mkamilifu, kumbe ndiyo hicho kinachomfanya binadamu huyu awe na mapungufu na hapa na pale. Hatahivyo kuna wakati tunahitaji kusameheana lakini pia kuomba msamahama wa dhati kwa makosa tuliyoyafanya ili maisha yaendelee katika ustawi ule ule.

4. MUDA 

Ili mahusiano yoyote yawe imara ni lazima watu watenge muda wa kukaa pamoja kujadili mambo yao, kubadilishana uzoefu na kupeana mawazo mapya. Hii inajenga ukaribu na ushirikiano.

5. TABASAMU 

Tabasamu katika mahusiano ya aina yoyote maranyingi huonyesha hisia chanya miongoni mwa watu na hivyo kuufanya uhusiano usiwe na mashaka.

Fikiria unamchangamkia rafiki yako, mpenzi wako au mzazi wako kwa furaha na bashasha halafu ndio kwanza yeye haonyeshi kujali, utajisikiaje?

 

By Kato Ans. (Editor in chief)